la puissance d’un seul, deslors qu’il prend ce tiltre de maistre, est dure & desraisonnable, il est allé adiouster, tout au rebours,
Qu’un, sans plus, soit le maistre, & qu’un seul soit le roy.
Il en faudroit, d’aventure, excuser Vlisse, auquel possible lors estoit besoin d’user de ce langage pour appaiser la revolte de l’armee ; conformant, ie croy, son propos plus au temps qu’à la verité. Mais, à parler à bon escient, c’est un extreme malheur d’estre subject à un maistre, duquel on ne se peut jamais asseurer qu’il soit bon, puisqu’il est tousjours en sa puissance d’estre mauvais quand il voudra ; & d’avoir plusieurs maistres, c’est, autant qu’on en a, autant de fois estre extremement malheureux. Si ne veux je pas, pour ceste heure, debattre ceste question tant pourmenee, si les autres façons de republique sont meilleures que la monarchie, ancore voudrois je sçavoir, avant que mettre en doute quel rang la monarchie doit avoir entre les republicques, si elle en y doit avoir aucun, pour ce qu’il est malaisé de
VARIANTES
5. « Toutesfois à l’avanture il faut excuser Vlisse, auquel possible lors il estoit besoin d’user de ce langage, & de s’en servir pour appaiser la recolte de l’armee, conformant (je croy) son propos ». 10. « duquel on ne peut estre jamais asseuré qu’il soit bon ». 13. « c’est autant que d’avoir autant de fois à estre extremement malheureux ». 15. « tant pourmenee asavoir, si les autres façons ». 17. « A quoi si je voulois venir, ancore voudrois je savoir ». 19. « si elle y en doit ». 26. « entendre, s’il est possible & comme il se peut faire ». 29. « que celle qu’on lui donne ». 30. « sinon de tant ». , 35. « de voir un million de millions d’hommes ». — Ici commence
