Cui mens integra, candidique mores,
Et nullâ manus inquinata culpâ ; 50
In cuius licet innocente vitâ
Priscœ relliquias notare vitœ.
Tu, cum dicimus hunc probum, resistis,
Riderique times, viator, & nunc
Cum regnat scelus & viget libido, 55
Omnis cum probitas iacet relicta,
Et fides, velut obsoleta, sordet,
Miraris puto transcilisse purum
Tot contagia seculi nocentis ;
Et miraris adhuc viator ? atqui 60
Mireris licet usque & usque & usque,
Mirandum magis est : erat patronus.
(XVIII) In tumulum
Sardoni Caluimontis auunculi.
Infra despice: cippus hic, viator,
Sardoni tegit ossa Caluimontis.
Annos ille duos, decemque lustra
Vixit, non sine dignitate, cœlebs,
Sacris iam puer & dicatus arœ. 5
At quo in munere si forte requiris,
Illud te poterit docere Lemma,
Quando id ne faciam vetant phalœci.
Vitam haud magnificam, sed elegantem,
Nusquam degener, egit ; huncque, si non 10
Rerum splendida cura publicarum,
Non laus eximia eruditionis,
Non illustria facta, non honores ;
