| DE MAHOMET. | 77 |
deſſus il vous eſt permis de vous marier à voſtre volonté. Si vous deſirez des femmes pour de l’argent & ne commettre ny concubinage ny adultere, donnez leur la dot dont vous conviendrez avec elles, ainſi vous n’offencerez pas Dieu, il ſçait tout, & eſt tres-ſage. Celuy qui ne pourra pas espouſer les femmes de libre condition espouſera celles de ſes femmes ou celles eſclaves qui luy agréront, Dieu cognoit la foy des uns & des autres. Espouſez vos femmes avec la permiſſion de leurs parens, & leur donnez leur dot avec honneſtete, ſi les femmes de libre condition qui n’ont point commis de concubinage ny d’adultere ſecrettement ny publiquement, convolent en ſecondes nopces, & viennent à commettre adultere, elles ſeront chaſtiées doublement plus que les filles d’amour[1] ; Le mariage des eſclaves eſt pour ceux qui craignent la paillardiſe, ſi vous vous abſtenez de les espouſer vous ne ferés pas mal, Dieu eſt clement & miſericordieux, il vous veut enſeigner ſa loy, & vous conduire au chemin de ceux qui vous ont precede, il eſt clement & miſericordieux à ſon peuple. Ceux qui enſuiuent l’appetit des impies declinent extremement de la verité, Dieu veut que ſa loy vous ſoit legere parceque l’homme eſt creé foible.O vous qui croyés en Dieu, ne mangez pas voſtre bien entre vous avec uſure, que ſi vous faites commerce demeurez d’aceord de vos affaires, ne vous tués pas les uns les autres, Dieu eſt miſericordieux à ceux qui luy obeïſſent, celuy qui luy
- ↑ Voy Gelaldin.
