| DE MAHOMET. | 75 |
auront la huitiéme portion. Si l’homme ou la femme heritent l’un de l’autre, qu’ils n’ayent ny pere, ny mere, nv enfans & qu’ils ayent un frere & une ſœur, chacun d’eux aura la ſixiéme de la ſucceſſion, s’ils font davantage ils ſeront aſſociez au tiers, apres les legs & debtes payez ſans fraude, & ſuivant ce qui eſt ordonné de Dieu, il ſçait tout ce que vous faites, & eſt prudent en ce qu’il ordonne, il eſt ainſi ordonné par ſa divine Majeſté, celuy qui luy obeira & à ſon Prophete, entrera dans le Paradis où coulent pluſieurs fleuves, & demeurera dans une erernelle felicité : Celuy qui defobeyra à Dieu & à ſon Prophete ſera precepité dedans le feu d’Enfer, où il ſouffrira des tourmens ignominieux. Si vos femmes ſont adulteres prenez quatre teſmoins de leur faute qui ſoient de voſtre Religion ; s’ils en portent teſmoignage, tenez- les priſonnieres en vos maiſons juſques à la mort, ou juſques à ce que Dieu en ordonne autrement, chaſtiez les paillards, concubines & adulteres, s’ils le repentent de leur peche ne leur faites point de mal, Dieu eſt clement & miſericordieux à ceux qui ſe convertiſſent. La converſion dépend de Dieu, il eſt miſericordieux à ceux qui font mal ignoramment, & qui ſe convertiſſent promptement, il ſçait tout & eſt tres-ſage. Le pardon n’eſt pas pour ceux qui font mal juſques à l’heure de leur mort, nous avons preparé de grands tourmens à ceux qui mourront impies. O vous qui croyez en Dieu, il n’eſt pas permis
