| DE MAHOMET. | 57 |
vous avoir enſeignée ſa loy ? Souvenez-vous qu’il a receu la promeſſe des Prophetes de preſcher les comandemens ſans peur ; qu’il vous à enſeigné l’eſcriture[1] & la ſcience, & qu’apres-ce, il eſt venu un Prophete qui a confirmé la doctrine qui vous avoit été enſeignée, afin que vous cruſſiés en ſes paroles, ne l’avez vous pas approuvé ?.n’avez-vous pas receu : celuy qui vous avoit eſté promis ? Nous l’avons receu, ſoyez donc teſmoins contre vous-meſmes, & contre ceux qui vous ont ſuivis, & je ſeray teſmoin contre vous & contr’eux ; ceux qui ſe devoyeront. du droict chemin feront meſchans, déſirent ils obſerver une autre loy que celle de Dieu, tout ce qui eſt au Ciel & en la Terre luy obeyt de bon gré ou par force, & vous ſerez un jour tous aſſemblés devant luy pour eſtre jugez, dis leur. Nous croyons en Dieu, en ce qu’il nous a inſpiré, en ce qu’il a inſpiré à Abraham, Iſmaël, Iſaac, Jacob, & aux Tribus, en ce qui à eſté ordonné par Moïſe, par Jeſus, & generallement par tous les Prophetes de la part de Dieu, & ſommes entierement reſignez à fa volonté. Les ſacrifices de ceux qui deſireront ſuivre une autre loy que la loy de ſalut ne ſeront pas agréez, ils ſeront en l’autre monde au nombr, des gens perdus. Dieu n’a pas conduit ceux qui ont ſuivy l’impieté apres avoir pofeſſé ſa loy, eſt apres avoit veu & témoigné que le Prophete & veritable par les ſignes clairs & evidens qui leur ſont apparus, Dieu ne conduit pas les injuſtes, ils feront à jamais maudits
- ↑ Voy Kitab el tenoir.
