| DE MAHOMET. | 591 |
paré de rigoureuſes peines. O vous qui eſtes ſages, craignez Dieu il vous a envoyé l’Alcoran, il vous a envoyé un Prophete pour vous enſeigner les myſteres de la loy, pour vous ſortir des tenebres, & conduire à la lumiere ceux qui croiront en luy & feront de bonnes œuvres, il leur ouvrira la porte du Paradis où coulent pluſieurs fleuves, où ils demeureront eternellement avec toute ſorte de contentement. Dieu ! C’eſt luy qui a crée ſept cieux & autant de terre, & il ordonne entre eux ce que bon luy ſemble, afin que vous cognoiſſiez qu’il eſt tout puiſſant & qu’il ſçait tout.
LE CHAPITRE DE LA DEFENCE,
contenant douze verſets,
eſcrit à la Medine.
U Nom de Dieu clement & miſericordieux. O Prophete ne deffend pas pour le contentement de tes femmes, de faire ce que Dieu t’a permis, il eſt clement & miſericordieux ; il vous à ordonné de faire ce qui eſt permis par voſtre loy, il eſt voſtre Seigneur. Il ſçait tout & eſt tres-ſage. Lors que le Prophete eſt allé viſiter une de ſes femmes, Dieu luy a revelé ce qu’elle luy vouloit dire, il en a approuvé une partie & en a deſapprouvé l’autre, lors qu’il a dit à ſa femme ce qu’elle avoit volonté de luy dire, elle luy a
