| DE MAHOMET. | 39 |
croyans, ils ont dit & Nous n’avons pas aujourd’huy aſſez de force pour reſiſter à Goliat & à ſes troupes, mais ceux qui croyoient en Dieu & qui craignoient ſa divine Majeſté, ont dit combien de fois une petite troupe a-t’elle deffait une grande armée par la permiſſion de Dieu ? Il eſt avec ceux qui ont patience ; Lors qu’ils ont veu paroiſtre Goliat & ſes trouppes, ils ont dit, Seigneur donne-nous patience, aſſure nos pas, & nous donne victoire ſur les infidelles ; Ils ont vaincu leurs ennemis par la permiſſion de Dieu, David a tué Goliat, & Dieu luy a donné la Royauté, &; la fcience du futur[1]; Si Dieu n’euſt ſoûlevé les peuples les uns contre les autres, toute la terre auroit eſté pleine de deſordres, tels ſont les miracles de Dieu, que je te declare avec verité, tu es veritablement un des Prophetes de ſa divine Majeſté. Nous avons donné aux Prophetes des graces aux uns plus qu’aux autres, pluſieurs ont parlé à leur Seigneur, & les uns ont eſté eſlevez plus que les autres. Nous avons donné la ſcience à Jeſus Fils de Marie, & l’avons fortifié par le ſainct Eſprirt. Si Dieu euſt voulu, les Prophetes qui ſont cy-devant venus n’auroient pas eſté, tuez apres avoir enſeigné ſes commandemens. Les hommes ont eſté de diffrente opinion, il y a des perſonnes qui ont creu en Dieu, & les autres ont eſté des impies ; s’il euſt plût à Dieu, ils n’auroient pas eſté tuez, mais il fait ce qu’il veut. O vous qui eſtes vray croyans, depenfez en aumoſne quelque partie des
- ↑ Voy Gelaldin
