406 | L’ALCORAN. |
impies, il dennera ſa grace à ceux & à celles qui croiront en ſa loy, il eſt clement & miſericordieux à ceux qui luy obeïſſent.
LE CHAPITRE DE SABA[1],
contenant cinquante-quatre verſets,
eſcrit à la Meque.
U Nom de Dieu clement & miſericordieux. Loüé ſoit Dieu, tout ce qui eſt au Ciel & en la Terre eſt à luy, Loüange luy eſt deuë, il eſt tres-ſage & ſçait tout, il ſçait tout ce qui entre dans la terre & tout ce qui en ſort, tout ce qui monte au Ciel, & tout ce qui en deſcend, il eſt clement & miſericordieux avec ſes creatures. Les impies demandent s’ils verront le jour du Jugement ; Dis leur qu’oüy, & que ton Seigneur en ſçait le temps, il ſçait le paſſé, le preſent & le futur, & tout ce qui eſt au Ciel & en la Terre, juſques à la peſanteur d'un atome, ce qui eſt encore plus petit, & ce qui eſt plus grand qu’un atome eſt eſcrit dans un livre qui explique toute choſe, il recompenſera les vray-croyans qui ont fait de bonnes œuvres, il leur donnera ſa miſericorde, & les enrichira de precieux treſorts ; Ceux qui ſe ſont efforcés de ſupprimer ſa loy reſſentiront les effets de ſon indignation ; Ceux qui ſçavent l’eſcriture cognoiſſent que ce que Dieu t’a enſeigné eſt la verité meſme pour conduire le peu-
- ↑ Saba eſt une province de Liemen. Voy Gelaldin.