| 322 | L’ALCORAN. |
bonnes œuvres, recevront pardon de leurs & un precieux treſor, ceux qui s’efforceront d’aneantir la foy ſeront damnez. Nous n’avons envoyé nos Prophetes que pour lire au peuple nos commandemens, les infidelles ont leu pluſieurs choſes qui ne ſont pas dans l’Alcoran, mais Dieu a aneanty ce que le Diable y avois adjouſté, & a confirmé les preceptes de ſa loy, ce que le Diable y auroit adjouſté, ſert de ſedition à ceux qui ſont foibles en leur foy, & qui ont le cœur endurcy. Les infidelles font une tres-grande erreur, & ſont eſloignez de la verité. Ceux qui ont la ſcience des eſcritures ſçavent que l’Alcoran eſt la verité meſme qui procede de ton Seigneur, ils croyent en luy, & humilient leur cœur en le liſant, Dieu conduit au droict chemin ceux qui croyent en la vérité ; les infidelles en douteront juſques à ce qu’ils ſoient ſurpris du jour du Jugement ; Ce jour ils ſeront chaſtiez tres-rigoureuſement, Ce jour Dieu commandera & jugera les bons & les meſchans, les gens de bien qui auront crû &qui auront fait de bonnes œuvres entreront dans des jardins delicieux, & les infidelles qui auront deſobey à ſes commandemens ſouffriront de tres-grands tourmens[1]. Ceux qui ſont ſortis de la Meque, & ſont allez à la Medine pour s’eſloigner de la compagnie des infidelles, & ont eſté tuez ou ſont morts de maladie, ſeront recompenſez par ſa divine Majeſté, Dieu eſt le plus grand bien-faicteur du monde, il les fera entrer où ils deſireront, il ſçait tout
- ↑ Voy Gelaldin.
