| 292 | L’ALCORAN. |
reux au jour du Jugement. Les infidelles ſont manifeſtement dévoyez du droit chemin, ſi tu leur preſche les tourmens de l’Enfer & leur ignorance, ils ne t’eſcouteront pas. Nous ſommes Maiſtres de tout ce qui eſt en terre, & ordonnons de toute choſe a noſtre volonté, ils ſeront un jour aſſemblez devant nous pour eſtre jugez., Souviens-toy de ce qui eſt eſcrit d’Abraham, il eſtoit homme de bien & Prophete, il a dit à ſon pere, n’adorez pas ce qui ne void goute, qui n’entend rien, & qui ne vous peut pas eſtre utile, je ſçay ce que vous ne ſçavez pas, ſuivez moy, je vous conduiray au droict chemin, n’adorez pas le Diable il eſt: deſobeïſſant à Dieu ; autrement je crains que Dieu ne vous chaſtie, & que vous ne ſoyez au nombre des gens perduſ; Il luy a reſpondu, O Abraham, abhorre tu mes Dieux ? ſi tu ne change de diſcours je te lapideray, eſloigne-toy de moy pour longtemps ; il a dit, Dieu vous vueille inſpirer, je le prieray pour vous, il eſt tres-bon, il exaucera ma priere, qu’adorerez vous lors que je ſeray eſloigné de vous ? adorez Dieu mon Seigneur, & vos prieres ſeront exaucées ; il s’eſt eſloigné d’eux, & a adoré un ſeul Dieu; nous luy avons donné deux fils Iſaac & Jacob tous deux Prophetes, nous luy avons donné noſtre grace, & une langue eloquente & veritable. Souviens-toy de ce qui eſt eſcrit de Moïſe, il eſtoit homme de bien, noſtre Prophete & noſtre Meſſager, nous l’avons appellé du coſté droict de la montagne de Sinaï,
