| 258 | L’ALCORAN. |
de leur Seigneur, & qui ſe convertiront ſeront recompenſez en ce monde, & encore davantage en l’autre s’ils le ſçavoient cognoiſtre. Ceux qui ſupportent patiemment les injures des infidelles, & qui ſe confient en leur Seigneur ſeront recompenſez lors qu’ils y penſeront le moins. Nous n’avons envoye cy-devant que des hommes pour preſcher noſtre loy, demande à ceux qui ont la cognoiſſance de la loy eſcrite[1] s’il n’eſt pas veritable ; Nous t’avons envoyé l’Alcoran afin que tu enſeigne nos commandemens aux hommes, peut-eſtre qu’ils y penſeront ; La terre ne produira rien à ceux qui conſpirent contre le Prophete, ils ſeront chaſtiez lors qu’ils y penſeront le moins, Dieu les chaſtiera en leur commerce ; ils n’eviteront pas ſa punition, & leurs biens dimiuuëront peu à peu devant leurs yeux, Dieu eſt clement & miſericordieux qu’à ceux qui l’honorent : Ne voyent-ils pas l’ombrage de ce que Dieu a creé, tantoſt à droite, tantoſt à gauche pour adorer ſa divine Majeſté, certainement ils ſont meſpriſables pour ce qui eſt en la Terre & aux Cieux, les animaux & les Anges adorent Dieu avec humilité, ils craignent leur Seigneur, & obeïſſent à ſes commandemens. Dieu leur a commandé de ne craindre & de n’adorer qu’un ſeul Dieu, auquel ubeïſſance eſt deüe eternellement ; Que craindrez-vous autre Dieu ? qui vous protegera autre que Dieu ? Lors qu’il vous arrivera du mal vous recourrez à ſa divine Bonté ; lors que vous eſtes
- ↑ Ce ſont les Juifs & les Chreſtiens.
