| 154 | L’ALCORAN. |
trouvé la plus grande partie d’entr’eux meſchants & deſobeïſſans Nous avons envoyé Moyſe à Pharaon & a ſon peuple, il leur a fait paroiſtre des miracles qu’ils ont meſpriſez par leur malice, mais conſidere qu’elle eſté la fin de ces impies ; Moyſe dit a Pharaon, je ſuis Meſſager envoyé du Dieu de l’univers, quand je parle de Dieu je ne dits que la verité ; Je ſuis venu par ſon commandement, pour te dire qu’il faut que tu congedie avec moy les enfans d’Israël; & que tu ne les arreſte plus dans tes eſtats; Pharaon luy dit, ſi tu es venu de la part de Dieu, & ſi tu eſt: veritable en tes paroles, Faits nous paroiſtre quelques miracles, alors il a jetté ſon baſton en terre qui a eſté changé enſerpenr, il a monſtré la main qui a paru tres-blanche aux yeux des ſpectateurs[1]. Les Docteurs de Pharaon luy ont dit, cet homme eſt Magicien, il nous veut faire abandonner noſtre pays, quel eſt voſtre ſentiment ? mettez-le priſonnier luy & ſon frere, et envoyez dans vos villes aſſembler des Magiciens. Lors que les Magiciens de Pharaon ont eſtcé devant luy, ils ont dit, quelle recompenſe aurons nous ſi nous ſommes victorieux ? il leur a reſpondu, vous ſerez bien recompenſez, & ſerez de ceux qui approcheront ma perſonne, ils ont dit, & Moyſe, veux-tu jetter le premier ton baſton en terre, ou ſi nous jetterons les noſtres, Moyſe leur a dit de jetter leurs baſtons, ce qu’ils ont fait, ils ont enchanté les yeux des ſpectateurs, & les ont effrayés par un enchantement extra-
- ↑ Gelaldin dit que la main de Moyſe eſtoit brune.
