gne, auquel pour tesmoîgnage d’amitié, il renuoya quant &c quant forces précieux Reliquaires, vn Elephant, & autres grands dons. Ainsi donc, dit ce grand Cardinal Baronius après Eginard, le Roy Tres-Chrestien a esté le premier qui entre les Rois d’Occident a esté fait légitime Seigneur du sacro-saint Sepulchre de Nostre Seigneur, pour lequel arracher des mains des Infideles, leurs successeurs ont auec grande gloire prodigué leur sang. P. Emil. liu 3. Zonaras.
A B
Aba Roy d’Hongrie , & beau-frere de saint Estienne son predecesseur. Ayant esté tué des siens, & enterré en quelque maison voisine du bourg de Stoëbe, l’on trouua quelques années apres son corps du tout net & nullement corrompu, auec ses playes refermées : c’est pourquoy il fut transporté de là au monastere de Saranense, qu’il auoit fait bastir. Bonfinius liu. 2 dec. 2.
Abacuch, mot. Hebr. Hebr. interpret. Luiteur. Prophetise contre les Chaldeens pour la ruïne de Hierusalem, & console les Iuifs par l’espoir de leur deliurance. Vescut du temps de la captiuité de Babylone, & fut transporté lors par l’Ange de Iudée en la Chaldée, pour donner à manger à Daniel qui estoit en la fosse des lyons. Abacuch, Dan. 14.
Abadir, selon Priscian, est la pierre que Saturne deuora en lieu de Iupiter, par la finesse de Rhée sa femme ; car Saturne ayant entendu qu’il deuoit estre dechaffé de son Empire par ses enfans propres, pour euiter cela, deuoroit autant de masles, qu’il luy en venoit, au point de leur naissance ; Mais enfin sa femme s’estant retirée à l’heure de son accouchement, & meuë de pitié du petit Iupiter, au lieu d’iceluy donna vne pierre à Saturne enueloppée de bandelettes de drapeaux, laquelle sans
y prendre garde, il deuora en la place de l’enfant.
¶ La Fable ne veut enseigner, sinon qu’il n’y a rien si fort & durable, qui ne cède à la violence du temps entendu par Saturne.
Abaddon, appellé par S. Paul fils de perdition, en l’Hebreu est le nom figuré par S. Iean en ses Reuelations, le Roy des Sauterelles, & l’Ange de l’abysme. en Grec Apollyon. Et en Latin, ayant nom, l’Exterminateur, Apoc. 9.
Abæe, cité bastie au destroit Messenien ou Memmertin, non loin de Pharis, l’vne des sept qui furent offertes a Achilles par Agamemnon. Homère Iliad. 10. Ainsi appellé d’Abante fils de Lincée & d’Hypermnestre, autrement nommée Hite ou Oechalie ; dediée selon le tesmoignage de Pausanias, à Apollon qui y auoit vn Temple tres- celebre où il rendoit ses Oracles, d’où il fut nommé Abeus : Ce Temple fut brûlé depuis par Xerxes. De cette cité les peuples furent nomez Abeates. Pline i, 4. chap. 5.
Abagarus, autrement Abgarus ou Abarus, Prince des Edesseens ou Osroëns, peuples demeurans au delà de l’Euphrate en Syrie, lequel selon le tesmoignage de plusieurs Pères estant detenu de griesue maladie écriuit à Iesus Christ, & Iesus-Chrift luy rescriuant adiousta à sa lettre son image, miraculeusement imprimée en vn linge, & luy enuoya Thadée l’Apostre, lequel luy donna auec sa guerison le Christianisme. De ce nom ont esté appellez presque tous les Rois qui luy ont succedé. Nicephore liu. 2. chap. 7. Eus. liu. i. chap. 12 & 13.
Abagas. Grand Camp, ou Roy des Tartares, lequel ayant recouuré par armes le Royaume de Turcie, que ses predecesseurs auoient conquis l’an de grâce 1280. vsa d’vne cruauté insigne enuers Paruane ; qu’il y auoit estably pour gouuerneur, & lequel aussi
