pierre et toute neufve, fut de tonnoyrre tempestée et rompue parmi le mylieu, et portée bien loing de là ; et à l’entrée de la Villette Sainct-Ladre[1], au bout de devers Paris, furent deux hommes tempestez, dont l’un fut tué tout mort, et ses soulliers et ses chausses, son gippon furent touz dessirez, et si n’avoit point le corps entamé ; et l’autre homme fut tout afollé.
9. Item, le lundi viie jour d’octobre ensuivant, assavoir iiiic et ix, fut prins ung nommé Jehan de Montagu, grant maistre d’ostel du roy de France, emprès Sainct-Victor, et fut mis en Petit Chastellet ; dont il avint telle esmeute à Paris à l’eure qu’on le print, comme ce tout Paris fust plain de Sarazins, et si ne savoit nul pourquoy ils s’esmouvoient[2]. Et le print ung nommé Pierre des Essars, qui pour lors estoit prevost de Paris ; et furent les lanternes commandées à alumer, comme autresfois, et de l’eaue à l’uis, et toutes les nuys le plus bel guet à pié et à cheval qu’on vit gueres oncques à Paris, et le faisoient les mestiers l’un après l’autre.
10. Et le xviie jour dudit moys d’octobre, jeudy, fut le dessus-dit grant maistre d’ostel mis en une charrette, vestu de sa livrée, d’une houppelande de blanc et de rouge, et chapperon de mesmes, une chauce rouge et l’autre blanche, ungs espérons dorez, les mains liées devant, une croix de boys entre ses mains, hault assis en la charrette, deux trompettes devant lui, et en cel estât mené es halles. Là lui on coupa la teste, et après fut porté le corps au gibet de Paris, et pendu au plus hault, en chemise, à toutes ses chausses et espérons dorés, dont la rumeur dura à aucun des signeurs de France, comme Berry, Bourbon, Alençon et plusieurs autres[3].
- ↑ La Villette Saint-Ladre, dépendance de l’hôpital Saint-Lazare, connue dès le xiie siècle, n’était au xve qu’un lieu assez désert et mal famé ; c’est là que les deux prétendus clercs pendus par ordre du prévôt Guillaume de Tignonville, rôdant et « espiant les chemins » dans ces parages, avaient assommé un compagnon qui portait à Bruges une lettre de change (Arch. nat., Xaa 14, fol. 299 r°).
- ↑ Ms. de Rome : s’enfuyoient.
- ↑ La fin tragique de Jean de Montaigu, victime du ressentiment de Jean Sans-Peur, souleva la réprobation générale : ce n’est pas seulement à Paris qu’il fut, comme le dit Juvénal des Ursins (p. 451), « moult plaint de tout le peuple », mais le revers de fortune si subit éprouvé par le grand-maître et l’iniquité de sa condamnation excitèrent partout une profonde commisération ; on en trouve un témoignage bien curieux dans
