encommencée ; car verité est que son ayeul, que on clamoit le bon roy Edowart[1], fut moult sage, prœudomme, hardy, entreprenant et bien fortuné en fait de guerre, et eut moult à faire encontre les Escots et les conquist iii fois ou iiii, et ne pœurent oncques les Escots avoir victoire ne duré sur luy tant qu’il vesqui.
Et, quant il fut trespassé, son filx[2] de son premier mariage, qui fu pere à ce gentil roy Edowart, fut aprez luy couronné, qui pas ne le ressembla de sens ne de proesse, ains gouverna et maintint son regne moult salvagement et par le conseil d’aultruy, par quoy en aprez luy en meschey moult durement, ainsy que vous porrez cy aprez ouir, s’il vous plaist. Car assez tost aprez comme il fut couronné, le noble roy Robert de Breux[3], qui estoit roy des Escots, et tant souvent avoit donné à faire au bon roy Edowart dessusdit qu’on tenoit pour moult prœu, reconquist toute Escoce et la bonne cité de Bervych[4] avecq, et ardi et gasta grand partie du royaume d’Angleterre, bien iiii journées ou v dedens le pays par ii fois, et desconfit celluy roy et tous les barons d’Angleterre en ung
- ↑ Édouard Ier, dit aux Longues-Jambes, fils d’Henri III, succéda à son père vers la fin de 1272 et régna jusqu’à sa mort, le 7 juillet 1307. Il eut à lutter successivement en Écosse contre Jean Baillol, Guillaume Wallace et Robert Bruce.
- ↑ Édouard II, quatrième fils d’Édouard Ier et d’Éléonore de Castille, monta sur le trône d’Angleterre le 7 juillet 1307, fut déposé le 13 janvier 1327 et assassiné le 21 septembre suivant.
- ↑ Robert Bruce, fils de Robert Bruce compétiteur de Jean Baillol, fut roi d’Écosse du 25 mars 1306 au 7 juin 1329.
- ↑ Berwick, auj. ch.-l. de district à l’embouchure de la Tweed ; Froissart (éd. Luce, t. I, p. 216) donne les noms d’un bon nombre de villes et de châteaux repris par les Écossais.
