Cette page n’a pas encore été corrigée
A madame Madame la
duchesse de Valloys
Par vostre adveu à la royne entends faire
Cestuy present ce que ne puis parfaire
Sans vous madame où est tout mon espoir
C'est ung livret lequel vous plaira veoir
Et ordonner s'il y faut rien reffaire
Aux ungs pourra la substance complaire
Parce que c'est des dames l'exemplaire
Par ce moien pourra entree avoir
Par vostre adveu
Mais fort je crains que a ce me soit contraire
Le groz langage, et me face distraire
De quelque bien ou grace recevoir
A quoy pourrez si vous plaist bien pourveoir
Voire la royne a l'accepter attraire
Par vostre adveu
