Le texte de cette page a été corrigé et est conforme au fac-similé.
95
D’AMADIS JAMYN.
LXI
i la nauire Argon reluist dedans les deux,
Montee au rang des feux hors des ondes liquides
Pour auoir sillonné les campagnes humides,
Hardie transportant les hommes demi-Dieux :
Si l’oyseau qui rauit Ganimede aux beaux yeux
A passé les sept Ronds des planetes lucides,
Et flamboyé là haut au clos des Hesperides
Pour merque de son cœur noble et audacieux :
I’espere aussi reluire en la voûte diuine
Auec l’Aigle celeste, auec Argon marine
Si prix egal à soy mon desir peut auoir.
Car ie tente vne mer de cent beautez nouuelles,
Puis vn Ciel, où l’amour emplist et fait mouuoir
(Ce que ie tien de luy) mes voiles et mes œles.
