& les y faire tenir vn temps notable, au milieu de l’Escole, ou debout sur vn banc, teste descouuerte. 4. les faire conduire en la place de l’asne. 5. leur faire attacher l’asne au col, & autres instrumens d’asnerie, les faisant mocquer par les autres &c. Pour ceux qui sont si durs & d’vn si mauuais naturel, que ne se souciant point des verges, ils ne pleurent point du tout, ou plustost il ne paroist aucune larme sortir de leurs yeux, ny durant, ny apres, ny deuant le chastiment : il faut les chastier vn peu plus fort auec des verges neuues & vertes, mais toutefois sans extremité, crainte qu’ils ne s’endurcissent aux coups, & ne deuiennent enfin incorrigibles, & mesme il faudroit rechercher tels enfans tantost par amour, tantost par crainte, les emprisonnant, les faire iensner pour les esmouuoir au bien, plustost que de les rudoyer dauantage. Et en cas que tout cela ne seruist de rien, apres les auoir recommandés à Dieu instamment, leur auoir parlé en particulier pour voir s’il n’y a point quelque peché caché, qui les retient dans ce mauuais chemin (auquel cas il les doit faire confesser) & enfin tout cela n’operant pas, il en doit aduertir les parens d’y donner ordre, & enfin leur rendre, en cas qu’ils ny apportassent les remedes necessaires.
E Maistre pour chastier les enfans soit du foüet ou d’autre façon, il doit 1. examiner le fait dont ils sont accusés & ne croire iamais de leger, mesme aux parens des enfans, qui bien souuent animés de passion plustost que de iustice, sont des plaintes de leurs enfans au Maistre, ausquels il doit respondre en ce cas, que l’on en fera iustice, puis examiner
