pour éuiter de grands inconueniens qui en peuuent arriuer. Il ne se laissera aussi emporter pour quoy que ce soit à la colere, de peur que cela puisse causer de l’excés au chastiment, & ne se seruira iamais contre eux de paroles aspres, en les tutoyant ou frappant & injuriant les enfans sans raison & sans consideration.
Ors que pour quelque faute il chastiera vn enfant dans l’Escole publiquement, & exemplairement, il declarera auec la prudence & circonspection conuenable, la cause de ce chastiment : afin que d’vne part tous les autres voyent la justice & correction, que l’on exige pour la faute de leur compagnon, & d’autre part que cela leur donne vne crainte de tomber dans la mesme faute, de peur de subir semblables peines ; se gardant bien toutefois de reueler aucunement les larcins, impuretés & autres pechés qui scandalisent l’enfant : sinon que telles fautes fussent dé-jà cogneuës.
Es nouueaux seront plus doucement chastiés au commencement, afin de reconnoistre plus facilement leur naturel : principalement s’ils sont durs ou tendres au chastiment ; afin que s’il s’apperçoit qu’ils soient durs au foüet, il les punisse vne autre fois d’vne autre peine, qui les puisse détourner du vice & porter à la Vertu, & à la diligence. Ceux au contraire, qu’il connoistra tendres à la correction, il pourra vser des punitions suiuantes au lieu du foüet ; comme 1. leur faire quelque confusion ou vergogne en particulier ou en en public. 2. leur faire perdre leur place. 5. les faire mettre à genoux
