qui est d’ailleurs si difficile, si rauallé, & si mesprisé de la plus grande partie du monde, mais neantmoins fort releué deuant Dieu, & les gens de bien.
A seconde espèce de la Force, seruira à fortifier que celuy qui se reconnoistra comme dit nostre Seigneur, vn seruiteur inutile, entreprendra neantmoins pour Dieu cét exercice, non pas en confiant en ses propres forces, & qu’il en viendra bien about tout seul : mais bien, auec l’ayde & assistance de Dieu, qui ne manque jamais à ceux qui estant appellés & inspirés à vn exercice, l’entreprennent premièrement pour lui : Prope est Dominus omnibus inuocantibus illum in ius jitia veritate. Il est proche de tous ceux qui le reclament en instice & en verité. Car c’est beaucoup dans ce siècle d’orgueil, de présomption, & d’hypocrisie où nous sommes, à vn homme de bien & à vn bon Ecclésiastique (qui d’ailleurs peut auoir des employs plus releués) de se présenter à vouloir faire les petites Escoles. C’est pourquoy taschant de s’instruire de la bonne methode pour en venir à bout, il peut sans difficulté l’entreprendre : & auec l’ayde de Dieu sans doute il y reüssira, Deus superbis resistit : humilibus ausem dat gratiam. Dieu resiste aux superbes, il donne grace aux humbles.
A troisiesme espece de la Force, c’est la Patience qui consiste à souffrir courageusement & volontairement pour Dieu, les affrons, les iniures & les autres difficultés. S’il y a Vertu necessaire à vn Maistre d’Escole, c’est celle-cy : car veritablement il en a besoin à toute heure, & à tout moment tantost
