DE LA FORCE DV MAISTRE.
La definition. §. I.
A Force est vne Vertu qui consiste à ne rien craindre que Dieu, & le peché : & supporter courageusement toutes les actuersités & prosperités du monde. Cette Vertu consiste à auoir les passions mortifiées, & à ne rien craindre : de telle façon qu’on ne se fafche de rien, & que l’on ne desire rien qui ne soit honeste, Cette Vertu doit estre bien familiere à vn Maistre d’Escole, qui entreprend auec la grace de Dieu, la conduite si difficile de la ieunesse, où il se rencontre tant de mescontentement, & quafi jamais de satisfaction, ny de la part des parens, ny de celle des enfans.
Or comme cette Vertu a quatre especes, nous les marquerons chacune en particulier, auec leur pratique, & leurs deffauts.
A première espèce c’est la Magnanimité, qui de grande consequence auec courage & auec ardeur. S’il y a chose d’importance au regime du Christianisme (comme nous auons monstré en la preface de cét œuure) c’est le bon gouvernement des petites Escoles : il faut vn grand courage pour s’ingerer & faire son dévoir en cette charge, non pas à l’estourdy comme beaucoup font ; mais auec l’intention & les talents necessaires & requis pour s’acquitter dignement d’vn employ si saint & si vtile, &
