ces choses exterieures pour estre plus libre de reprendre les abus qui se trouuerroient en ses enfans. Il doit de plus estre fort retenu en ses paroles, ne proferant iamais aucune raillerie, iniure ou bouffonnerie deuant ses Escoliers.
Vant aux enfans, il doit extremément leur recommander cette modestie dans leurs habits, où la vanité regne d’auantage, par où on leur accoustume à renoncer à la promesse & à l’esprit du Baptesme, & s’entretenir dans l’orguëil & la vanité qui sont vices opposés entierement à l’esprit d’vn Chrestien.
C’est pourquoy il blasmera prudemment en general & en particulier tant de galants, de plumes, de frisures & de poudres sur les cheueux, taschant de leur donner du dégoust de ces choses, affin que ses enfans en quittent l’affection : à quoy ils se portent facilement à l’exemple de leurs parens, notamment à Paris & autres Villes tant grandes que petites. Il se pourra seruir de l’exemple de nostre Seigneur à cét effect, de ceux des Saints & Saintes, comme de la Sainte Vierge, Saint Ioseph, Saint Jean Baptiste, les plus grands de Paradis, & de tant de Saincts Religieux qui ont abhorré toutes ces vanités ; estant chose indigne de faire gloire des marques de nostre peché.
L fera garder la Modestie aux enfans en leur faisant obseruer exactement le silence en l’Escole, notamment durant la leçon : ne permettant iamais qu’ils fassent du bruict, soit parlant haut, en estudiant leur leçon, soit en causant ensemble, ny mes-
