que ce soit, 1. Dans vn lieu d’où on le puisse voir.2. Qu’il s’escarte de la personne à qui il parlera de deux ou trois pas, & qu’il ne la regarde iamais en veue, ny permette qu’elle luy touche les mains pour faire quelques gestes, 4. Qu’il parle & s’entretienne le moins de temps que la necessité le pourra permettre auec des femmes ou filles. Si saint Paul a crié misericorde, tout Sainct qu’il estoit, contre les tentations de ce peché : si Loth s’est prophané auec ses propres filles. Si saint Martinian est tombé dans la volonté du peché dans le desert ; il ne faut pas se fier à ses propres forces. En cecy j’entends aussi bien parler aux Ecclesiastiques, qu’aux mariés, qui doiuent viure auec leurs femmes, comme s’ils n’en auoient point, dit saint Paul.
Le Maistre aura vn grand soin, de ne parler iamais des vices contraires à cette Vertu en presence des enfans, si ce n’est en general ; de peur de leur apprendre ce qu’ils ne sçauroient pas encore, il pourra neantmoins & doit leur deffendre exactement, 1. De ne iamais faire leur vrine deuant les autres, de ne coucher iamais auec leur sœur (& é contra, si c’est vne Maistresse) ny mesme auec leur pere & mere si ce n’est en cas de grandissime necessité ; auquel cas il enjoindra aux parens de les coucher aux pieds de leur lict, en telle sorte qu’ils ne puissent iamais apperceuoir, ny se douter de ce qui n’est permis qu’aux mariés : que si les parens ne vouloient oster leurs enfans de coucher auec leurs seruantes, leurs sœurs ou eux mesmes, le Maistre en ce cas apres leur en auoir remonstré l’importance, les renuoyera sans differer.
Il prendra garde à ceux qui mettent leurs mains dans leurs chausses, car il y en a qui commettent quelquefois des impuretés à l’Escole, ou en la com-
