de l’Escole auec vne grauité aggreable, passera à la seconde partie du Cathechifme, & proposera vne partie des questions de l’Abregé des principaux mysteres, en interogera les petits & les mediocres , & leur expliquera, ce qu’il y aura de difficile à entendre ; ou bien le demandera aux plus sçauants, puis le fera repeter aux autres. Il taschera de parler clairement, & de ne point proposer des respontes longues aux petits enfanrs à respondre, mais courtes, & succintes. Il aprendra & faita repeter souuent, ce qui est du mystere de la saincte Trinite, & de l’Incarnation, aux plus petits & aux nouveaux: iusques a ce qu’ils le sçachent bien. Il pourra diuiser la feuille de l’Abregé des Mysteres de la Foy en quatre parties, & ce sera pour quatre Cathechismes : auant que de commancer la seconde partie, il repetera succintement ce qu’on aura dit de la premiere, afin de leur bien inculquer ce qu’ils auronr dé-ja apris ; car les enfants oublient facilement : or pour se rendre ces mysteres faciles à expliquer, il pourra lire le petit Cathechisme de Bellarmain, ou de M. de Richelieu en son particulier , qui est tres claire & net en cette matiere. Il prendra garde durant ces interogations, que personne ne souffle a celuy qui l’interrogera, car ordinairement ils font manquer celuy , à qui ils veulent suggerer : c’est pourquoy il deffendra cela expressément & punira ceux qu’il y attrapera sans remission,
L repetera tousiours les questions proposées luy
mesme distinctement, auant que de passer a vne
autre, & ainsi il continuera durant trois quarts-d’heure,
depuis la premiere demye, & alors ayant reperé
toutes les questions, il pourra adiouster quelque pe-
