pondra à la porte qu’il ne luy peut parler, (si ce, n’estoit quelque affaire de grande consequence) il commancera durant cette premiere demye-heure, à montrer aux plus petits, à faire bien le signe de la Croix, leurs monftrant luy mesme & le faisant faire deuant eux a quelqu’vn des Escoliers qui le sait le mieux, & notamment aux nouueaux venus, quelques grands qu’ils puissent estre, pour voir s’ils le font bien, Il fera dire en suitte le Pater, Aue & Credo, à ces mesmes petits, & à ceux qu’il doutera ne le pas bien sçavoir, ou ne le pas bien prononcer : leur faisant dire-aux vns la moitié du Pater, aux autres tout, aux autres l’Aue, aux autres le Sancta, & faira ainsi dire les Commandemens de Dieu, les sept Sacremens de l’Eglise, aux autres qui foot vn peu plus grands. Quand il aura monstre vne semaine le Pater, Aue, Credo en Latin: Il les faira dire en la suiuante en François. Durant qu’il fait ainsi le Cathechisme, les obseruateurs prendront garde tres-exactemenent sur les causeurs & badins, & le Maistre à cet effect, pourra distribuer les deux intendants & les deux obseruateurs aux quatres coins de l’Escole, d’où il puisse remarquer tous ceux qui n’escouteront pas, les nommant tout haut, & le Maistre les faira mettre à genoux, & en punira quelqu’vn exemplairement sur le champ, afin de donner crainte aux autres,
Pres la premiere demye-heure la porte sera fermée,
& ne sera ouverte que pour faire entrer
ceux qui viendront tard , qui demeureront a genoux
au millieu de l’Escole par penitence durant vne heure
(s’ils n’apportent excuse raisonnable, de leur pareile)
& alors le Maistre en se pourmenant le long
