De l’entrée du Maistre à l’Escole, & de la Priere
auant le Catechisme. §. 6.
’Heure sonnée de l’Escole, le Maistre entrera
ce iour là auec plus de grauité, qu’en autre
temps, puisqu’il va annoncer la Doctrine de salut,
comme ministre deputé de Dieu ; & alors la lecture
cessera, & la clochette ayant aduerty, tous se
mettans à genoux, & luy aussi la face tournée vers
le Crucifix, mains iojntes en vne posture honneste,
modeste & deuote : à quoy il aura l’œil durant la
Priere, aduertissant tous ceux qui badineront, referuant
toutesfois à les chastier apres la Priere selon la
qualité & malice de la faute. Les deux recitateurs des
Prieres ayant fait le signe de la Croix commenceront
& diront le premier couplet du Veni Creator, & les
Escoliers diront le second, & ainsi continuëront
alternatiuement, puis vn d’eux dira l’Oraison de la
tres-saincte Trinité, l’antienne, verset & Oraison
du patron, & ensuitte l’antienne de l’Apostre du
Diocese, & le verset : qui est à Paris, O beate Dionysi &c. Ira pro nobis &c. puis Iesus, Maria, Ioseph succurrite nobis, à quoy les Escoliers respondront
comme à la Priere de la leçon d’apres midy, ainsi que
nous dirons cy-apres.
De la disposition exterieure des enfants à ce Cathechisme
& de la premiere partie d’iceluy. §. 7.
Pres la priere, les Escoliers estant assis chacun
en leur place, n’ayant aucun liure ny papier à
la main : mais estants tous dans vne grande attention,
la porte demeurera ouuerre, iusques apres la
premiere demye heure de la leçon : puis elle sera
fermée, & ne sera ouuerte à personne : si quelqu’vn
demande le Maistre durant ce temps, le portier luy res-
