des lecteurs iusques a ce que le Maistre soit entré et l’Escole, lise quelque liure Spirituel ; comme le Pedagogue Chrestien, la vie des Saints, taschant que ce soit toûjours tant que faire se pourra quelque matiere approchante du sujet, à laquelle lecture tous se rendront attentifs, & le Portier laissera la porte ouuerte, afin que le bruit d’icelle n’interrompe la lecture. Ceux qui arriueront durant cette lecture demeureront à genoux au milieu de l’Escole, de peur qu’en allant à leur place, ils empeschent les autres d’entendre & faire profit de ce que l’on lit, à quoy les Intendans & Obseruateurs auront l’œil, marquant exactement sans parler, les immodestes & cajoleurs, & les donneront au Maistre en entrant. Cet ordre de lecture, doit estre obserue toutes & quantefois que on la fera dans l’Escole, en quelque temps que ce puisse estre. Or le fruict de cette lecture est qu'elle sert de preparation, & de recollection aux enfans, pour se dispofer à entendre & faire profit des Instructions qu’ils vont receuoir de la part du Maistre, lequel aura soin de punir les insolents qui seront remarqués, en temps & lieu selon sa prudence.
E Maistre d’Escole qui doit faire le Catechisme,
doit ce iour là ou vn autre, lire attentiuement
la leçon du Catechisme qu'il aura à traiter,
mesme preuoir les demandes du petit abregé de la
Foy, qu'il doit faire aux plus petits, comme aussi
preparer vne Hiftoire pour confirmer ce qu’il leur
aura dit, laquelle il tirera des liures que mous auons
marqués cy-dessus (en parlant des ameublemens
de l’Escole) en quoy il prendra garde de changer
