Page:Jacques de Batencour - L'Escole paroissiale, 1654.pdf/134

liere, qui se recite premierement en ce Cathechisme du dernier quart-d’heure, qui se fait iournellement sinon aux Festes, Dimanches & aux iours ordinaires de Cathechisme de la semaine.

De l’heure de ce Cathechisme. §. 2.

TOus les iours de leçon le dernier quart-d’heure d’apres midy, est employé en quelque instruction pieuse, soit de Carechisme, soit de lecture spirituelle.

De la Matiere. §3.

LA Matiere de cette instruction, durant les dix jours d’auparauant le temps de Confirmation, sera pris du Sacrement de Confirmation : à Paris ces temps de Confirmation sont ordinairement les quatre temps de Caresme, le Vendredy saint, les quatre-temps des Pentecostes, de la saincte Croix & de Noël.

Cette Matiere est de la Confession, en six temps de l’année. §. 4

QVinze iours auant les iours ordinaires de Confession, la Matiere de ce Cathechisme sera du Sacrement de Pœnitence , qui font ordinairement quinze iours auant Noël, le Caresme, les Rameaux, la Pentecoste, l’Assomption, la Toussaints & tout le long du Caresme. Ce Cathechisme n’est employé a autre chose, qu’a bien instruire les Escoliers de ce Sacrement, iusques au Samedy des Rameaux, durant lequel temps, le Maistre tache de gagner vne demye heure entiere, pour cette Instruction, prolongée iufques à cing heures passées : or comme le temps de la Confirmation & de la Confession se rencontre en mesmes iours, il faudra alors faire durant la quinzaine l’vn apres|’autre,