Cette page n’a pas encore été corrigée
sont les vrais Hieroglyphes de Tyrannie, de saccagement, & de toute sorte d’oppression : & de fait parcourez les Annales, & vous verrez que tous les plus grandes desolations qui ont jamais arrivé, sont venues des parties du Septentrion: les Assyriens ou Chaldeens animez par Nabuchodonosor, & Salmanasar ont assez faict voir; ceste verité à l’embrazement d’une ville, & d’un Temple le plus sumptueux & le plus sainct de l’univers, & à l’entiere ruyne d’un peuple dont Dieu mesme en avoit pris une singuliere protection, & s’en disoit particulierement Pere : Et l’autre Jerusalem l’heureuse Rome, n’a-t’elle pas encore souvent esprouvé les furies de ceste maudite race du Septentrion, lors que par la cruauté d’Alaric, Genseric,
