Cette page n’a pas encore été corrigée
laquelle adjoustee à un mot fait varier le sens, comme par exemple en ce mot AME, si on y adjouste F. ce ne sera plus AME, mais FAME; ou bien si dans le mesme mot AME on interpose un R, il changera le mot & fera ARME; par ainsi on void qu’une seule lettre F, ou R, change entierement tout le sens. Le mesme en est-il des Estoilles, ou une nouvelle adjoustee varie & le sens & l’Escriture.
9. En quatriesme lieu pour sçavoir parfaictement entendre ceste Escriture Celeste, il faut exactement remarquer les Estoilles verticales : car celles qui sont sur un Royaume, dit Abiudan, monstrent ordinairement ce qu’il luy doit arriver : & en ce sens on n’aura point de peine a comprendre ce que Cardan dit de la queuë de la
