Cette page n’a pas encore été corrigée
presque tousjours remarqué de ces nouveaux Astres qui naissent reellement dans le ciel, comme celuy observé par Hipparque, l’an devant nostre Redemption 125. annonçant la fin de la Monarchie des Grecs. Voyez aussi celuy qui parut du temps de Claudian, en l’an de JESUS CHRIST 388; celuy du temps de Messahala, Haly, & Albumazar Astrologues Arabes, qui parut au 15. degré du Scorpion, produisant autant de lumière en terre que la quatriesme partie de la Lune eust peu faire : celuy du temps de l’Empereur Adrian, & celuy aussi soubs l’Empire d’Othon, qui fut veu entre les Constellations de Cephee, & Cassiopee: Celuy pareillement de 1264. non loin de Cassiopee devers le Septentrion;
