Cette page n’a pas encore été corrigée
8
Curiositez
des veritez. S’il est vray que les Juifs se soient abandonnez apres l’insolence des idoles que nous venons de nommer, pourquoy leur Dieu légitime ne les en a-t’il repris dans les Escritures qu’il leur a donné, comme il a fait des autres crimes ? & icy on ne peut pas dire ce que nous disons de nos livres, qu’une chose peut avoir esté encore qu’ils n’en fassent aucune mention; mais dans ceste loy que tous recognoissent tres-severe, il n’en est pas de mesme; car en matiere de crimes elle n’a pas celé les moindres. On ne peut pas encore dire que ceste idolatrie est arrivée apres l’histoire du vieux Testament ; Car outre que les ennemis des Juifs la leur eussent reprochée comme tres-abominable, les Autheurs susdits
