Cette page n’a pas encore été corrigée
rangs par devant, elles s’estendent en deux rangs par derriere en la figure d’un V, une fendant l’air la premiere, & les autres la suivant s’escoulant doucement comme joinctes, faisant ainsi place au vent, qui ne trouvant presque point de resistance s’escoule à costé sans les incommoder; d’autresfois elles font un triangle parfait ou un demy cercle, comme un C, ou un rond tout entier O, comme lors que l’Aigle les attaque, se defendant parfaictement en ceste figure, en laquelle de quelque costé que l’Aigle vienne, elle ne rencontre que le bec, ainsi qu’une Cavalerie qui voulant fondre sur un bataillon ne rencontre que la pointe des picques. D’icy on void que Lucanus se trompe, d’asseurer que toutes les figures que
