Cette page n’a pas encore été corrigée
Non aliàs cœlo toties cecidere sereno Fulgura, nec diri toties arsere Cometæ Dit Virgile, par ainsi les Comettes peuvent estre des presages de la mort des grands, voire mesme la cause, non le signe tout seul, ainsi que veut Cardan. Voyez ce qu’en a dit Ericius Puteanus; Elles peuvent encore estre cause de la sterilité, & par consequent de la famine car la terre trop seche & alteree, soit pour les trop grandes exhalaisons qui en sont eslevees, ou pour l’air demesurément eschauffé, & mesme corrompu par les fumees puantes du Comette, ne peut donner aux grains une parfaite & suffisante nourriture. La Peste & toutes les autres maladies, dit Kepler, arrivent par apres, à cause de l’air corrompu, & mesme les tremblemens de terre, non pas par les
