Cette page n’a pas encore été corrigée
cart d’heure, croyant la malice du temps estoit passee avec une legere pluye, il sort pour s’en aller: mais il ne fut pas esloigné d’un jet de pierre qu’il veid tomber quelque gresle qui luy fit mediter son retour : toutesfois il pense par apres que ceste gresle n’est pas importune, veu qu’il en tomboit fort peu, & que mesme l’espoisseur & la touffe des arbres le défendoient de ses injures ; ceste consideration l’avoit porté à s’en aller tout à fait, mais comme il prit garde que ceste gresle estoit faicte à son advis autrement que la commune, il s’arreste pour la considerer: il en prend une, & veid à mesme temps, prodige espouventable ! qu’elle portoit la figure d’un casque, d’autres un escusson, & d’autres une espee.
