Cette page n’a pas encore été corrigée
donna sa servante à son mary pour luy en faire de mesme, & comme elle la veit grosse, elle observa si bien l’heure de son accouchement, qu’ayant fait un beau fils, & mesme sous le Signe de Jupiter, comme elle sceut par le moyen de son mary, elle pour s’estimer plus heureuse que sa sœur, le voulut nommer du nom de cest Astre si favorable.
Telle estoit l’observation Astrologique de ces Patriarches, d’autant plus saincte & pieuse, qu’elle portoit ces bonnes gens en l’admiration des œuvres de Dieu. Mais du depuis que leurs descendans y meslerent la superstition, on veit en peu de temps la saincteté de ceste Astrologie corrompuë.
13. Ainsi les Ægyptiens voisins
