Cette page n’a pas encore été corrigée
des bons augures ; c’est pourquoy, dit le mesme autheur, Dieu faisant comme naistre encore une fois Ezechias, voulut que ce fust par le Soleil. Ils estimoient par apres l’Estoille de Venus tres propice, & je ne sçay si ceste observation auroit esté causé qu’apres les Soleil & la Lune, on adoroit particulierement ce Planette par tout l’Orient à ce qu’en asseure Ben Samuel. Ces Peres recognoissoient encore l’Estoille de Jupiter qu’ils apelloient tantost גד Gad, & tantost מזל טוב Mazal tob, & leurs descendans כוכב צדק Cocheb tsedek, grandement favorable: à raison dequoy le nouveau Marié donnoit à son Espouse une bague, sur laquelle estoit gravé les susdits mots מזל טוב Mazal tob, c’est à dire, bon
