Page:Jacques Gaffarel - Curiositez inoüyes, 1629.djvu/49

Cette page n’a pas encore été corrigée

La mesme fleur qui sortit encore, suivant la fiction du mesme Poëte, du sang du valeureux Aiax, porte, les deux premieres lettres de son nom Ai.
Littera communis mediis pueroque viroque
Inscripta est foliis, hæc nominis illa querelle.

Pour la diverse figure qui se rencontre aux animaux que nous avons pareillement examinee en ce mesme Chapitre, je ne trouve rien de plus admirable que ce que des tesmoins oculaires m’en ont dit du depuis, qu’il y a fort peu de temps qu’en divers endroicts du Poictou on veit pleuvoir des petites bestioles de la grosseur du poulce, dont les unes estoient faictes comme des Evesques, ayant le rochet & camail