Cette page n’a pas encore été corrigée
le feu des simulachres de son pere & que Aram son frere, taschant de les en garentir, fut bruslé ; je ne le trouve point dans pas un historien Hebreu: de façon qu’on peut dire ceste opinion, ce que le bien-heureux Gregoire disoit d’une autre aussi crotesque : Eadem facilitate contemnitur qua probatur. Apres tout, on peut tenir pour certain ce que Justin Martyr, S. Cyprian , S. Hilaire, Rabbi Moses, Lactance, & l’Abbé Serenus chez Cassian, concluent: que la magie noire est bien certaine, mais non pas son commencement, non plus que celuy de l’idolatrie : & de fait, sans autre tesmoignage, les mesmes veulent que ce malheur soit arrivé devant le deluge , & un bon nombre d’autres, apres, à
