Cette page n’a pas encore été corrigée
Josephe asseure que Seth & Adam furent les premiers qui s’occupèrent à ceste science, soit infuse ou acquise, & qu’Abrabam s’en estant fuy en Egypte l’apprit aux Egyptiens. Ceste verité est d’autant plus forte quelle part d’un homme à qui on n’a jamais sceu trouver que redire, & par consequent on peut juger que Pline s’est mespris de dire qu’elle n’a point eu d’autre Autheur qu’Athlas : car outre que nous sçavons que devant Athlas, l’Astrologie estoit desja en usage, il se dement luy-mesme au livre precedent, disant que Belus estoit le premier qui l’avoit trouvee; & plus haut il asseure que c’estoient les Phœniciens. Mais donnons-luy que ce fussent les Phœniciens, on bien selon quelques autres les
