Cette page n’a pas encore été corrigée
estre desja si communes que les enfans le sçavent. Ce n’est donc pas contre ceste Astrologie que l’Eglise a prononcé des arrets: mais de ceste autre à bon droict condamnée, qui donnant plus de puissance aux cieux qu’il ne faut, va imposant necessité à la partie plus libre de nostre Ame. Ces autheurs respondent pareillement au premier argument, qui est de peu de certitude de ceste science, ce que nous avons respondu pour la verité des figures. Par ainsi on peut juger opiniastres ceux qui pour blasmer l’Astrologie mettent en avant les plus signalez Astrologues qui ont esté trouvez menteurs : puis qu’ils devroient advancer aussi ceux qui ont dit vray, & dont les predictions ont servi d’estonnement
