Page:Jacques Gaffarel - Curiositez inoüyes, 1629.djvu/437

Cette page n’a pas encore été corrigée

distant à plus de cent lieuës, ainsi que l’Abbé Triteme & Barthelemy Cordelier ont soustenu, & apres eux Robert Flud: Fere des operations par le moyen des miroüers que nostre sentiment juge impossibles & incroyables, comme ceux de Roger Bacon en nombre de neuf, par lesquels il promettoit au Pape, s’il fournissoit l’argent qu’il falloit pour les dresser, de faire plus d’effect contre les Turcs qu’une armee de cent mille hommes. Et bref, si Aristote ne nous eust apris que l’image qui suivoit en l’air inseparablement un certain homme qui ne pouvoit s’en depestrer, estoit naturelle, n’eust on pas dit que c’estoit un esprit de ceux qu’on appelle familiers, ou quelque demon qui avoit pris la