Cette page n’a pas encore été corrigée
le mesme Naudé estime fausses & impossibles, si je ne voyois d’autre part qu’il s’en faut bien que leur invention ne soit si admirable que celle de certains instruments, images & figures qu’on voit de nostre temps; comme ces horloges admirables, desquelles j’en ay veu une à Ligorne qu’un Allemand avoit exposé en vente, dont les effects, au recit qu’on m’en faisoit m’eussent tousjours semblez incroyables si mes sentimens n’en eussent fait l’experience : car outre mille raretez non jamais veuës, on y voyoit encore des bergers dont les uns sonnoient de la musette avec une harmonie & un mouvement des doigts admirable, qu’on eust dit qu’ils estoient animez; d’autres dansoient avec
