Cette page n’a pas encore été corrigée
trouve le mal, se trouve le remede : & qui eust jamais pensé que le gravier qui se voit en l’urine, deust servir contre les douleurs de la pierre? & mille autres semblables secrets que nous descouvrons tous les jours. Mais pourquoy, dira-on, les Astres ne donnent aussi bien au scorpion vivant la vertu de chasser les vivants comme à son image ? Je responds, que si cela estoit, la nature se feroit la guerre à elle mesme, & periroit en peu de temps, puisque les animaux se destruiroient les uns les autres. Tres-sagement donc ceste vertu n’a esté donnee qu’aux Astres & aux hommes.
10. La huitiesme objection est la responce de Delrio aux raisons de Caïetan & de Pomponace :
