Cette page n’a pas encore été corrigée
que nous avons desja prouvé que les Astres pouvoient donner ceste vertu à la pierre. D’avantage, qu’elle ne luy est pas native & naturelle, parce qu’avant qu’elle fut figuree & dressee sous certaines constellations, elle ne l’avoit pas; & sans mentir, à quoy serviroit tant de peine qu’on prend à la gratter sous divers aspects, si elle l’avoit auparavant? que serviroit encore aux habitans de la contree de Hampts en Turquie, d’imprimer sur de l’argille pour guarir la morsure du scorpion, la figure de la beste, qui est sur la pierre d’une tour, comme nous avons dit, si l’argille desja estoit propre à tel effet? Disons donc qu’elle ne l’avoit pas : & qu’il luy est communique par ceste pierre, & à ceste pierre par les Astres.
