Cette page n’a pas encore été corrigée
qu’il s’en sert aussi contre les images Talismaniques, je responds que nous avons desja dit, que ces images n’avoient aucune puissance sur nostre volonté. Or se noyer, ou ne se noyer pas, c’est une action qui depend tout à fait de la volonté: que si le fils ressemble à sa mere, tant des lineaments du visage, que des actions de l’ame, il n’y a point de doute que ceste ressemblance ne puisse beaucoup, tant sur les passions de l’ame, que sur celles du corps, qui proviennent intérieurement ; ainsi que souvent on a remarqué : & de nos jours on a veu à Riez, ville Episcopale en Provence, deux jeunes freres, lesquels pour se ressembler parfaictement, ils n’estoient jamais malades que tous deux ensemble,
