Cette page n’a pas encore été corrigée
rien de merveilleux qu’ils ne le rapportent aux demons, quoy que M. Loysel Medecin du Roy deffunct ait asseuré que ceste mesme operation estoit naturelle, & qu’il s’en estoit servy heureusement & en homme de bien : que si Guillelmus nye que l’operation d’une image Talismanique enfouye dans la terre, soit naturelle, parce qu’elle est retenuë par la terre qui la couvre, il faut donc conclurre que l’operation de l’aiguille aymantee est diabolique, parce que, bien qu’elle soit à cent toises dans terre, elle ne laisse pas de se tourner tousjours vers le pole. Ceste comparaison est d’autant plus pressante, que la plus part des sçavans croyent, que ceste vertu de l’aymant luy a esté communiquee