Cette page n’a pas encore été corrigée
choses qui n’ont du tout point de sentiment, & que par consequent leur fabrique doit estre defenduë & rejettee, ainsi que l’Eglise l’a ordonné.
Pour respondre parfaitement, & par ordre, tant à ceste objection, qu’à celles qui suivront, je dis, qu’il faut premierement sçavoir qu’en matiere de ces figures, nous avons desja condamné toutes paroles, & toutes autres superstitions, de façon que pour ne redire une mesme chose, il faut se ressouvenir de ce que nous avons dit: Pour l’Eglise, elle n’a jamais rejetté la vraye & legitime puissance des figures telle que nous le descrivons, ainsi qu’on peut voir dans les œuvres de ces deux grands personnages, Sainct Thomas, & le Cardinal
