Cette page n’a pas encore été corrigée
qui attire les hommes aupres des tombeaux de ceux qu’on estime saincts, ou par la vertu de la mesme Mumie on void les effects qu’on appelle miracles, estans plus frequents (dit-il) en Esté, qu’en tout autre saison, à cause de la chaleur du Soleil qui esveille & excite l’humeur qui est en la Mumie; resveries que nous refutons par des principes, que les Rabbins tirent des secrets de ceste Mumie si celebre & si renommee. Ces questions suivent apres les autres : A sçavoir si ces formes admirables sorties du sang, des os, ou de la cendre des corps, peuvent servir d’un argument infaillible de la Resurrection, ignoree de plusieurs Philosophes ? A sçavoir si elles nous pourroient par apres servir en quelque chose, &
