Cette page n’a pas encore été corrigée
figures, qui seroient incroyables, si tant d’excellens Historiens ne l’asseuroient : de ceste sorte est le Boramets qui croit en Scythie, ressemblant parfaitement à un agneau, ayant teste, yeux, oreilles, dents, & tout le reste du corps proportionné. Elle broute l’herbe qui croit tout à l’entour, & lors qu’il n’y en a plus elle vient à mourir de faim. Voyez-en l’histoire dans Sigismond, Cardan, Scaliger, Vigenere, & Guillaume Rouïlle, Duret, & un des plus sçavans Poëtes de nostre France, qui en chante ces vers.
Tels que les Boramets qui chez les Scythes naissent |
D’une graine menuë, & de plantes se paissent: |
Bien que du corps, des yeux, de la bouche, & du nez |